ՍԻՐՈ ՄԵՂԵԴԻՆԵՐ

ՆՈՐ ՏԱՐԻ

Խոսք՝ Ռաֆայել Պատկանյանի

Երնեկ թե այս Նոր տարին

Վերջ տար հայի ցավերին,

Չարը կորչեր ու բարին

Բուն դներ մեր սրտերին:

Երնեկ թե այս Նոր տարին

Ազատ շնչեր Հայաստան,

Եվ շուրջ Մասիս մեր սարին

Փայլեին արտ անդաստան:

Երնեկ թե այս Նոր տարին

Հայ ազգն ի մի գումարվեր,

Ի գլուխ Կարնո հայ ամրին

Հայի դրոշակ ծածաներ:

Երնեկ թե այս Նոր տարին

Ոտքի կանգներ Հայաստան,

Եվ կիսաքանդ մեր Կարին

Լիներ քաղաք մեր ոստան:

Հայե՛ր, երբեք չերկմտիք,

Կկատարվի այս ամեն,

Եթե իսպառ մենք հանենք

Փոքրոգություն մեր սրտեն: