Խոսք՝ Պ. Նաթանյանի
Երաժշտություն՝ Ա. Մնակյանի
Զարթի՛ր, որդյա՛կ, հո՛ւշ բեր, վե՛ր կաց,
Պատերազմի փող հնչեց,
Զարթի՛ր, քա՛ջ իմ, ձայն հայրենյաց`
Կենաց մահու ժամ հնչեց:
Պատրաստել եմ քո զենքերը
Ահա՛, գլխիդ վերև կան,
Ինչպես երբեմն քո գրքերը`
Երբ կերթայիր վարժարան:
Ելի՛ր, կապեմ սուրը մեջքիդ,
Ասպար կախեմ քո ուսիդ,
Եվ սուրբ դրոշ հայրենիքի`
Թող ծածանի աջ թևիդ:
Փոխան գրչի` ահա սուսեր,
Փոխան գրքի` մարտի դաշտ,
Գնա՛, կռվի՛ր արիաբար,
Որ հայրենին ապրի հար: