Toggle navigation
Արվեստ
Սկիզբ
Նկարներ
Վահագն Դավթյան
Ավետիք Իսահակյան
Ռազմիկ Դավոյան
Արամայիս Սահակյան
Մետաքսե
Վահան Տերյան
Համո Սահյան
Երգեր
Վահան Տերյան
***
Կանչում ես անվերջ
Կապույտ հեռվից,
Շշուկով անուշ
Կանչում ես ինձ:
Թփերն ես շարժում,
Շրշում անուշ
Շշուկով պայծառ
Ու փաղաքուշ...
Անհայտ է ուղին
Քաղցըր երկրիդ,
Ուր բախտ է անանց,
Անանց ժպիտ:
Ուր ծաղիկ ու երգ
Ուրիշ են, այլ,
Ուր անմահական
Փառք է ու փայլ:
Այս իրիկնային
Կապույտ երկրում
Դու ես միշտ շրջում
Ու մեղմ երգում:
Ու կանչում ես միշտ
Անհայտ հեռվից,
Շշուկով անուշ
Կանչում ես ինձ: