Toggle navigation
Արվեստ
Սկիզբ
Նկարներ
Վահագն Դավթյան
Ավետիք Իսահակյան
Ռազմիկ Դավոյան
Արամայիս Սահակյան
Մետաքսե
Վահան Տերյան
Համո Սահյան
Երգեր
Համո Սահյան
ՋՐԻ ՊԵՍ
Կռիվ տայի անդադար
Ու փրփրեի ջրի պես:
Թափառեի քարե-քար,
Քար փշրեի ջրի պես:
Լվանայի քեզ, աշխարհ,
Ու մաքրեի ջրի պես:
Քչքչայի սարն ի վար,
Մարգ ջրեի ջրի պես:
Միայն ջրելու համար
Վիզ ծռեի ջրի պես:
Շողեր, շողեր հագնեի,
Ցող ցրեի ջրի պես:
Թող գեթ մի օր ապրեի,
Բայց ապրեի ջրի պես: