Թափառաշրջի՛կ,
Թափառաշրջի՛կ, եղբա՛յր իմ,
Ո՞ւր են քեզ տանում
Հոգնած ոտքերդ:
Թե կան հեռուներ,
Հեռուները քո սրտում են,
Եվ քո խելագար
Խենթ հայացքում:
Եվ քո խելագար
Երազներում,
Եվ քո խելագար
Խենթ երգերում:
Թափառաշրջի՛կ,
Ի՛նձ պարզիր քո ձեռքը
Ու տար ինձ քեզ հետ,
Դու գտել ես ելքը,
Ազատ է տիեզերքը բոլորի համար:
Ե՛վ մեծահարուստ արքաների,
Ե՛վ մուրացկանի համար դժգույն,
Ե՛վ գեղեցկագույն տիկինների,
Ե՛վ թափառական ասպետների համար:
Ազատ է տիեզերքը բոլորի համար,
Ազատ է մոլորակն այս բոլորի համար,
Ազատ են ճամփաները բոլորի համար,
Ազատ է այս աշխարհը բոլորի համար:
Երբ կդադարի պտտվելուց
Այս հոգնած աշխարհը,
Մոլորակը պատերազմների:
Երբ կդադարի
Տոնական այս երթը,
Երթը տոնական մեռյալների:
Թափառաշրջի՛կ,
Ի՛նձ պարզիր քո ձեռքը
Ու տար ինձ քեզ հետ,
Դու գտել ես ելքը:
Ազատ է տիեզերքը բոլորի համար,
Ազատ է մոլորակն այս բոլորի համար,
Ազատ են ճամփաները բոլորի համար,
Ազատ է այս աշխարհը բոլորի համար: