Toggle navigation
Արվեստ
Սկիզբ
Նկարներ
ԱՐԹՈՒՐ ՄԵՍՉՅԱՆ
ՌՈՒԲԵՆ ՀԱԽՎԵՐԴՅԱՆ
ՍԱՅԱԹ-ՆՈՎԱ
ՀԱՅԱՍՏԱՆ
ԿՈՄԻՏԱՍ
ԵՐԵՎԱՆ
ՀԱՅՐԵՆԱՍԻՐԱԿԱՆ
ՍԻՐՈ ՄԵՂԵԴԻՆԵՐ
Բանաստեղծություններ
ԿՈՄԻՏԱՍ
ՀԱԲՐԲԱՆ
(Զուգերգ)
Տղա.
Հաբրբա՛ն:
Աղջիկ.
Ջանե՜, ջա՜ն:
Տղա.
Սիրել եմ սերն երեսին,
Անթառամ թերն երեսին.
Ով իմ սիրունն ինձ չի տա,
Աստըծու կերն երեսին:
Աղջիկ.
Հաբրբա՛ն:
Տղա.
Ջանե՜, ջա՜ն:
Աղջիկ.
Սարի թրթնջուկ թազա.
Մեղր ու շաքար քեզ մազա,
Ինձ պես նազանի աղջիկ,
Քեզ պես տղին ո՞նց սազա:
Տղա.
Պզտի՛կ աղջիկ, համ ունիս,
Չորեք դիմաց ծամ ունիս.
Խունջիկ-մունջի մի՛ անի,
Ինձ առնելու կամ ունիս:
Աղջիկ.
Գութանը հոլա, հոլա,
Գութանիդ տակը քոլ ա.
Քանի գժություն անես,
Քեզի առնողը տոլ ա:
Տղա.
Ձեր տան տակի վար կանեմ,
Չար ագռավին քար կանեմ,
Թող իմ սիրածն ինձի տան,
Գժությունս թարկ կանեմ:
Աղջիկ.
Ջուրը իր ճամփով կերթա,
Ցողածը վարդի թերթ ա.
Ինձ սիրող կտրիճ տղեն
Հազարի մեջ մի բերդա:
Տղա.
Բուսել ես բաղի միջին,
Շամամի թաղի միջին.
Գիշեր-ցերեկ միալար
Դու ես իմ խաղի միջին:
Աղջիկ.
Աշուղի պես խա՛ղ ասա,
Բլբուլի պես տա՛ղ ասա.
Ինչքան որ գովես՝ արժեմ,
Իմ մոր գովակա՛ն փեսա: