Հայր Մեր հրաշք ամենատենչ,
Աղբյուր լուսո` Դու, որ երկինս ես,
Սուրբ եղիցի անուն Քո,
Տեր մեր բարձրյալ՝ Դու արարիչ ես,
Եվ եկեսցե արքայություն,
Եղիցի կամք Քո՝ ծայրագույն ես,
Որպես յերկինս և յերկրի՝
Դու` տիրակալ տիեզերքի, միայն լռում ես...
Քեզնից ենք հացը ողորմում,
Երբ որ դաշտերը մեր լքյալ են
Եվ թողություն ենք աղերսում
Մեր մեղքերին, քանզի կախյալ ենք,
Ասված է, որ ներենք նրանց,
Ով որ պղծի երկրիս տաճարը.
Գուցե ուրիշը և ների,
Բայց մենք՝ երբեք. Հիշր անցյալը...
Եվ մի տանիր ի փորձություն,
Բայց կյանքը մեր լոկ փորձություն է,
Եվ զմեզ փրկեա Տեր ի չարե,
Բայց ինչու Դու, Մենք ի՞նչ՝ անճար ե՞նք,
Զի Քո է և արքայություն, և զորություն,
Եվ փառք՝ Դու տիրակալ ես...
Այժմ և միշտ և հավիտյան՝
Մենք կկորչենք, իսկ Դու անմահ ես...