ՀԱՅՐԵՆԱՍԻՐԱԿԱՆ

ՍԱՐԴԱՐԱՊԱՏ

Խոսք՝ Պարույր Սևակի
Երաժշտություն՝ Էդգար Հովհաննիսյանի

Երբ չի մնում ելք ու ճար,

Խենթերն են գտնում հնար,

Այսպես ծագեց, արեգակեց

Սարդարապատի մարտը մեծ:

Զանգեր, ղողանջեք,

Սրբազան քաջերին կանչեք

Այս արդար պատից:

Սերունդներ, դուք ձեզ ճանաչեք

Սարդարապատից:

Ավարայրից ջանք առանք,

Այստեղ մի պահ կանգ առանք,

Որ շունչ առած շունչներս տանք

Սարդարապատի պատի տակ:

Բայց մենք չընկանք, մենք միշտ կանք,

Մենք չհանգանք` դեռ կգանք,

Երբ տան զանգը, ահազանգը,

Որ մեր հոգու պարտքը տանք:

ԳԱՐԵԳԻՆ ՆԺԴԵՀԻ ԵՐԳԸ

Արազ ափին, ծնված ընկեր,

Քո Արազին ես, մատաղ,

Մութ բանտերում, տանջված ընկեր,

Սուրբ տանջաքիդ ես մատաղ։

Հուռա՛-հուռա՜, հուռա՛-հուռա՜,

Քաջ Նժդեհի սուրը շողշողա։

Ցար վախեցավ, քեզ աքսորեց,

Իր աշխարհեն շատ հեռուն,

Բարով եկար, սրով եկար,

Նոր իդեալներ բերիր դու մեզ:

Արյան դաշտում, կռվի դաշտում,

Սուրդ շողաց, քա՛ջ Նժդեհ,

Հուռա՛, առա՜ջ, դու գոչեցիր,

Կուրծքդ խաչով զարդարեցիր։

Չենք մոռանա, Հայկասարը,

Ուր զոհվեցին ութ զինվոր,

Չենք մոռանա, մեր զորավար,

Պիտի հիշենք դարեդար։

ԼԵԲԼԵԲԵՋԻՆԵՐԻ ԽՄԲԵՐԳԸ

Խոսք՝ Թ. Նալյանի
Երաժշտություն՝ Տիգրան Չուխաջյանի

Մենք քաջ տոհմի զավակներն ենք, չենք վախի,

Մանր մունր փորձանքներից չենք վախի,

Մենք դեռ փոքրուց միշտ սիրել ենք քաջություն,

Ինչ էլ որ լինի, չենք հանդուրժի պարտություն։

Ուրեմն՝ առաջ, զարկենք թմբուկ հաղթական,

Տանք թշնամուն մենք ծեծ ու ջարդ պատվական,

Թող իմանան՝ մենք չենք դառնա խաղալիք,

Այնպես պիտ ծեծենք, որ հիշեն հոր հարսանիք:

Տոհմը մեր եղել է քաջերից քաջը,

Անարգել է կայծակների շառաչը,

Մենք էլ նրա զավակներն ենք հարազատ,

Էլ ուրիշ ժառանգ չկա, չկա մեզնից զատ:

ՁԱՅՆ ՄԸ ՀՆՉԵՑ

Ձայն մը հնչեց Էրզրումի հայոց լեռներեն,

Թունդ-թունդ ելան հայի սրտեր զենքի շաչյունեն:

Հայ գյուղացին դարուց ի վեր սուր զենք չը տեսած,

Դաշտը թողուց, սուր, հրացան բահի տեղն առավ:

Քնքուշ կյանքը ծանր է թվում հայ օրիրոդին,

Զենքը ձեռքին հորդորում է հայոց քաջերին:

Հայ տիկինը ըստիպում է ամուսնուն գնալ...

Պատերազմի դաշտի վրա վերք տալ` ստանալ:

Հայ ծերուկը ցուպը ձեռին լալով տենչում է,

Հայրենիքի ազատություն տեսնել ու մեռնել:

Լսեց թուրքը ու սառեցավ արյունը վատին,

Չէր երազել հային տեսնել նա այդ վիճակին:

Ցնծա՛, Մա՛յր մեր, ո՛վ Հայաստան, որդիքդ միացան,

Ութ դարերու սուգ ու թախիծ քեզնից վերացան:

Ուսումն ու լույս ազատության արդ քեզ են ընկեր,

Սուր, հրացան` եռանդ ռազմի... պաշտպան անվեհեր:

Ուրախացավ Մա՛յր Հայաստան, ելավ կանգնեցավ,

Հին դարերու սուգ, տառապանք մի քիչ մեղմացավ:

ԶԱՐԹԻՐ ԼԱՈ

Խոսք և երաժշտություն՝ Աշուղ Ֆահրադի

Սուլթան ասքյար, զորք ժողովել,

Եկել Մշո դաշտն է պատել,

Սուլթան կուզե ջնջիլ մեզի,

Զարթիր լաո, մեռնիմ քեզի:

Ախ, ինչ ասեմ շուն ասքյարին,

Որ ըսպանեց, ջոջ Ապոյին,

Մըր հույս թողեց, օրորոցին,

Զարթիր լաո, մեռնիմ քեզի:

Խեղճ Մշեցին, մեռավ լալով,

Օտար երկրներ ման գալով,

Մեռավ թուրքին, խարջը տալով,

Զարթիր լաո, մեռնիմ քեզի:

ՍՈՍԵԻ ԿԱՆՉԸ

Գնդակ որոտաց նոյեմբեր ամսում,

Պաշարված ենք մենք, իմ սիրուն Սոսե,

Վեր առ մոսինդ, քաջություն հոսե,

Քո սիրած Սերոբի օրհնյալ օրն այս է:

Ձայն տվավ Սոսեն, - Սերոբ ջան հոս եմ,

Զինված պատրաստված, ձայնիդ կսպասեմ,

Քեզի հետ կռվելու, քո կողքի մեռնելու,

Ամեն օր, ամեն ժամ, պատրաստ է Սոսեն:

Իսկ քո Սերոբը, կյանքիդ հատորը,

Արյունով ներկեց Տալվորիկ ձորը,

Առյուծի նայվածքով, նայում էր բոլորը,

Հաղթական կռվի մեջ էր ամբողջ օրը:

Ձայն տուր Անդրանիկ, կենսատու ընկեր,

Արդյոք այս պահին, որ լեռն ես պառկել,

Ոսկեթել մազերով, երեսդ ես ծածկել,

Հաղթական բազուկով, մոսինդ ես գրկել:

Հասիր Անդրանիկ, հասիր օգնության,

Սերոբ կզոհվի, ի սեր ազգության,

Դե՛ հասի՛ր, շուտ հասիր, կտրիճ խմբերով,

Սերոբ կզոհվի, յուր զավակներով:

ԶԵՅԹՈՒՆՑԻՆԵՐԻ ՔԱՅԼԵՐԳԸ

Խոսք՝ Հարություն Չաքրյանի
Երաժշտություն՝ Տիգրան Չուխաջյանի

Արևն ելավ, Զեյթունցիներ,

Դեհ ձի հեծնենք, առնենք զենքեր, դիմենք առաջ,

Ինչու՞, ինչու՞ գլուխ ծռենք,

Բռնավորին մեր վիզ պարզած։

Զեյթունցի ենք, մեր սփոփանք,

Էն պատերազմ և արշավանք,

Սուր, թուր, գնդակ և հրացան,

Էն խաղալիք մեր հավիտյան։

Ամբողջ հինգ դար գերի ենք մենք,

Մեր շղթայք մենք պատրաստել ենք,

Ինչու՞ այժմեն մենք չստիպենք,

Մեզ գերողին կրելու զայն։

Կեցցե՛ Զեյթուն, ապրի՛ Զեյթուն,

Թող չտեսնե ըստրկություն,

Քանի ունի մեզ պես որդիք,

Ապրի Զեյթուն, կեցցե՛ Զեյթուն։

ՀԱՅԿ ԵՎ ԲԵԼ

Խոսք և երաժշտություն՝ Արամայիս Սահակյանի

Հայկը Բելի դեմ ճակատամարտեց,

Հայոց Երկիրն էլ չարից ազատեց:

Կռիվ ու դավեն, կանցնեն ոնց երազ

Հա՛յը միշտ կապրի, կապրի՛ հավիտյան:

Հայոց ազգասեր, քաջերը մեռան,

Հանո՛ւն Զեյթունի ո՛ւ Մուսալեռան:

Հայոց Երկիրն էր ազատել կռվով,

Վարդա՛նը սրով, Մաշտո՛ցը գրով:

ԱՆԴՐԱՆԻԿԻՆ

Խոսք և երաժշտություն՝ Գուսան Հայրիկի (Հայրիկ Մուրադյան)

Անտարբեր չես եղել հայ ազգիդ համար,

Վե՛ր կաց գերեզմանից, Անդրանի՛կ փաշա,

Շրջի՛ր հայկական զորքերիդ առաջ,

Վե՛ր կաց գերեզմանից, Անդրանի՛կ փաշա:

Մատաղ լինեմ քաջ Քեռուն, Սմբատին,

Որ հոգեառն էին թըշնամիների,

Հաղթական բազուկդ շարժի՛ր վերստին,

Վե՛ր կաց գերեզմանից, Անդրանի՛կ փաշա:

Չեմ կարող հաշտվել այն վճռի հետ,

Որ այլոց պիտ մնան Մուշն ու Մուրադ գետ,

Հայերի զորավար, քա՛ջ սպարապետ,

Վե՛ր կաց գերեզմանից, Անդրանի՛կ փաշա:

Լսիր Հայրիկ երգչի աղերսաբանը,

Հարություն առ, պատռիր քո սուրբ դամբանը,

Քեզ է սպասում Հին Հայաստանը,

Վե՛ր կաց գերեզմանից, Անդրանի՛կ փաշա:

ԱՆԴՐԱՆԻԿ ՔԱՋԻ ՀԵՏՔԵՐՈՎ

Ելեք քաջեր հայկազունք,

Միացեք մեզ, որ գնանք Սասուն,

Առնենք Բիթլիս, գրոհենք Անին,

Օսմանին դարձնենք ձեռնասուն:

Եկել է ժամն հատուցման,

Զոհերի անթիվ բազմության,

Ուխտ ենք արել հայրենյաց հողում,

Եվ շտկենք անիվը պատմության:

Խրոխտ քայլենք մեր երկրով,

Ռազմական հայոց երգերով,

Ուխտ ենք արել հայրենյաց հողում,

Եվ շտկենք անիվը պատմության:

ԱՆԴՐԱՆԻԿԻ ՔԱՅԼԵՐԳԸ

Ֆիդայական խումբ, գնանք Մուշ, Սասուն,

Մեր քաջ ընկերներ, մեզի կսպասեն,

Անդրանիկը քաջ, յուր ընկերներով,

Կսպասե գարնան, կուզե պատերազմ:

Մոտ է գարունը, շուտով կբացվի,

Հայու խոսքը քաջ, շուտով կլսվի,

Հայերը անվախ, հոգով միացած,

Հրացանն ուսներին, ոտքի են կանգնած:

Խմբապետերը, հոգով են երդված,

Ֆիդայու ուժով, գնում են առաջ,

Առաջ է կանգնած, Անդրանիկը քաջ,

Գոռում է, գոչում` կուզե պատերազմ:

Հերիք եղբայրներ, մենք շատ քնեցինք,

Բավական չէ մեզ, այսքան համբերել,

Մայր Հայաստանը, ձեռքից հանեցինք,

Հիմա ուժ ունինք, դարձյալ ետ կառնինք:

ԱՆԴՐԱՆԻԿ

Խոսք և երաժշտություն՝ Աշուղ Դվալի Մկրտիչի (Մկրտիչ Սահակյան)

Ով դու անմահ քաջ զորավար,

Հայոց պաշտպան դու Անդրանիկ,

Քեզ պես չի ծնել ամեն դար,

Ազգիս հերոս քաջ Անդրանիկ:

Քո սուրբ անունդ ամեն տեղ,

Միշտ խոսվում է քաղաք, թե գեղ,

Ինչպես Սասնո Դավիթն ահեղ,

Զարգիր անցար քաջ Անդրանիկ:

Թշնամիքդ ահաբեկված,

Փախչում էին տուն-տեղ թողած,

Կտրիճների սուրը շողաց,

Հայոց պաշտպան քաջ Անդրանիկ:

Փառաբանենք զորավարին,

Ուխտենք նրա գերեզմանին,

Հայոց ազգի բարերարին,

Միշտ քեզ հիշենք քաջ Անդրանիկ:

ՍԱՍՆԱ ԱՀԵՂ ՄԱՐՏՈՒՄ

Սասնա ահեղ մարտում գելիգուզանցի Հափսեն

Էրկու մանչն իր ղրկեց - սարերը կռվի,

Ուր մենք քա՛ր կհալցունք, ջո՜ւր կդարձունք երկաթ...

Հերի՛ք էղնինք ծառա - տաճիկներուն վատ:

Մըր սո՛ւրբ Մարաթուկ, Անդոկ, Ծովասար կկանչի՛ն,

Չուր ե՞փ մեռուկ մենք մնանք, ամո՜թ էղնի մեզ,

Հայաստան չմնաց... ոտքի՛ ելեք, հայե՜ր,

Ձեզ ի մա՛րտ կկանչե Անդրանիկը քաջ:

Շա՜տ ենք թափել արյուն, չտեսա՛նք վառ գարուն,

Մեր աչքերուն միշտ լաց... չօգնե՛ց մեզ Աստված.

Ո՜վ փափկասուն դու լաճ, լաչա՛կ քաշիմ քու գլուխ -

Հօրի՞ ես կայնե, լա՛ո, ե՛լ ի գոտեմարտ...

Մըր կանանց ձեռքին մոսի՛ն, գոտկին փամփո՛ւշտ, կրծքին՝ մա՛նչ,

Նրանց դեմքին - խոր ցասում... փառք քեզի Սասո՜ւն.

Հայաստան չմնաց... ոտքի՛ ելեք, հայե՜ր,

Ձեզ ի մա՛րտ կկանչե Անդրանիկը քաջ:

ԵՌԱԳՈՒՅՆ ԴՐՈՇ

Եռագույն դրոշ - մեր ազատության,

Ծածանե՛նք ընդդեմ բռնակալության,

Հույսո՛վ լցվեցավ, սիրտը հայության

Երկյուղը պատե՜ց կայսեր օսմանյան:

Մեծ մարդասպանը, սաստի՛կ զայրացավ,

Հայեր ջնջելու հրաման տվավ.

«Քանդե՛լ Հայաստան, ջնջե՛լ հայ անուն»,

Որ չխանգարվի, յուր հանգստություն:

Բայց զենքը ձեռքին, ոտքի՛ կանգնեցան,

Քաջ ֆիդայիններ առյուծի նման.

Կռի՛վ կմղեր, հերոս Անդրանիկ

Սարսափը տիրե՜ց, օսմանյան զորքին:

Արի՛ք, Հայկազունք, գոչե՛նք միաձայն,

Սրտագի՛ն գոչենք՝ կեցցե՛ Հայաստան,

Կեցցե՛ Հայաստա՜ն, և՛ ազատությո՜ւն

Հայրենյաց պաշտպան, քա՛ջ ֆիդայություն:

Չմնա՛նք հայե՜ր, օտար լծի տակ,

Հերիք է հային, այսքան փորձություն,

Սիրե՛նք միություն, միաբանություն,

Միշտ բարձր պահենք, հայկական անուն:

Սիրե՛ք միություն, չանենք վատություն,

Կունենանք հայե՜ր, սուրբ ազատությո՜ւն...

ՖԻԴԱՅԻ

Խոսք և երաժշտություն՝ Չարխի Ֆալաքի

Բուք ու բորան, մութ գիշերին

Պտտում էր ֆիդային,

Փամփուշտները խաչկապ կցած,

Հրացաններն ուսերին:

Ա՜խ ֆիդայիններ, ջա՛ն ֆիդայիններ,

Ձեր մայրերը՝ Ձե՛զ մատաղ,

Մշո Սուլթան, Սուրբ Կարապետ՝

Ձեզի լինի՛ օգնական:

Դուք վախեցրի՛ք, թուրքն անօրեն

Քշի՛ք մեր սար ու ձորեն,

Չար թշնամու, ա՛չք վախեցավ՝

Ջան ֆիդայու գնդակեն:

Դաշտը թողո՛ւր, արոր ու լաճ,

Իմ մինուճար, ազի՛զ լաճ,

Մի քիչ խաղա՛ մոսինի հետ,

Որ էլ չտա՛ս օձին խարջ:

ԱՐԴՅՈՔ ՈՎՔԵ՞Ր ԵՆ

Արարատն առա՜ջ, հա՛յ զինվորներ քաջ,

Վրեջ մեր սրտում՝ գնա՛նք աննահանջ:

Արդյոք ովքե՞ր են, հե՜յ, ի՞նչ կտրիճներ են,

Մասի՛սը վկա՝ հայո՛ց քաջերն են,

Արդյոք ովքե՞ր են, հե՜յ, ի՞նչ կորյուններ են,

Մասի՛սը վկա՝ ֆիդայիննե՛րն են:

Սարերեն իջան, մի խումբ ձիավոր,

Նրանց մեջ էր քաջ, Սերո՛բն ուխտավոր:

Ուսին յափնջի՛ն, մեջքին՝ պատրոնտա՛շ,

Մոսինը գրկա՛ծ, գնո՜ւմ են առաջ:

Գևորգ Չաո՛ւշն էր, ջահել ու ջիվան,

Ուներ մե՜ծ անուն՝ սարերո՛ւ Ասլան:

Դե կռվե՛նք տղե՜րք, դե կռվե՛նք քաջ-քաջ,

Զարկե՛նք շուն թուրքին, գնա՛նք մենք առաջ:

ԴԱՐՁՅԱԼ ՓԱՅԼԵՑ

Դարձյալ փայլեց, Սասնո գլխին,

Ազատության դրոշակ,

Կեցցե՛ Հայրենիք գոչելով,

Բարձրացուցին աղաղակ:

Թնդաց, որոտաց ձայներից,

Ողջ աշխարհը հայկական.

Խումբ-խումբ կուգան, հա՛յ զավակներ,

Հայրենիքին օգնության:

Գուրգեն, Վահան, Հրայր-Դժողք,

Քաջ Անդրանիկ զորավար՝

Տալվորիկի լեռներումը,

Շրջում էին անդադար:

Սարսափեցին թուրք ցեղերը,

Մինչ պալատը սուլթանի՝

Հրամայեց շուտ կործանել

Դիրքերը հայդուկների:

Ահա անգութ մեր թշնամին...

Սարսափելի տեսարան...

«Ժամանակն է վրեժ լուծել...»

Գոչե՛ց ձայնը հայկական:

Կրակ տեղաց հա՛յ քաջերի,

Բնակավայր դիրքերից,

Կոտորվեցին, թշնամիներ,

Ահռելի գնդակներից:

ԴՐՈՅԻ ԵՐԳԸ

Հայոց երկնքով անցեք հավքեր իմ սիրուն,

Քաջ հայդուկից բարև տարեք դեպի տուն,

Ծեր արծվի պես մոլոր օտար ափերում,

Ծնող հողին կարոտ մտար հավերժ քուն:

Ելի՛ր դաշնակ Դրո՜ բազկիդ ուժը բեր,

Հեծիր քո ճերմակ ձին քշի՛ր սարն ի վեր

Ձա՛յն տուր քո քաջերին քնած թե արթուն

Փրկի՛ր քո Հայրենիք չքնախ Սուրմալուն:

Շատ դահիճներ են ընկել բազկիդ հարվածից,

Չես վհատվել անգամ կրծքիդ խոր վերքից,

Անվերջ զրկանք ես կրել քո կամքով արի,

Դու քաջ զինվոր ազգի ու գաղափարի:

Դաշնակցականին վայել աննկուն կամքով,

Պայքարել ես կռվել ազգիդ կարոտով,

Ղարս ու Անի, Սուրմալու Բիթլիս հիշելով,

Փակվեցին աչքերդ հավիտյան քնով:

ԳԵՎՈՐԳ ՉԱՈՒՇԻ ԵՐԳԸ

Սուլուխեն ըստացանք լուրեր ահավոր,

Հայոց արծիվն ընկավ կռվում վիրավոր,

Կանաչ դաշտի միջին ավանդեց հոգին,

Մեր սրտերում հավերժ մնաց թանկագին։

Ելի՛ր Գևորգ ելիր դուշմանը շատ է,

Հայոց ազգի համար մեռնելը փառք է:

Հայոց արծիվների ճամփեքը փուշ է,

Վեր կա՛ց Գևորգ վեր կաց արդեն շատ ուշ է,

Կազմենք նոր-նոր խմբեր գնա՜նք Մուշ, Սասուն,

Թուրքերի զորքի մեջ գցենք վայնասո՜ւն։

Կտրի՛ճ Գևորգ Չաուշ դամբանեն վեր կաց,

Մշո սեգ սարերեն նորեն իջիր ցած,

Տարոնի քաջերն են մենակ մնացել

Ազատության համար կռի՛վ ենք գացե՜լ։

ԹԱԹՈՒԼ ԿՐՊԵՅԱՆԻՆ

Խոսք և երաժշտություն՝ Աշուղ Գևորգի (Գևորգ Գրիգորյան)

Մայրամուտ իջավ, պատեց սար ու ձոր,

Սակայն չդադարեց կռիվն ահավոր,

Բացվեց արշալույս անհույս սգալով,

Գետաշենն ընկավ հայդուկի փառքով:

Մի ասուպ սահեց, գնաց երկնակամարով,

Հավքեր եկան, անցան լուռ արտասվելով,

Ավաղ Թաթուլն էր ընկել կռվում քաջարի,

Մի լուր տարեք հավքեր մորը հայդուկի:

Էրգրի սուրբ կարոտով կամավոր դարձար,

Վասն հայրենյաց դու նահատակվեցար,

Ավաղ վերքերիդ համար չեղավ դեղ-դարման,

Թող լույս իջնի շիրիմիդ Թաթուլ Կրպեյան:

Ազատության մարտիկ, ազգի քաջ զինվոր,

Մահվանդ լուրը գուժեց սրտեր բյուրավոր,

Ձեր թափած արյան կանչը թող ապրի հավերժ,

Ամեն հայի սրտում թող ծնի վրեժ:

ԹԱԼԵԱԹԻ ՄԱՀԸ

Աշխարհ սարսաց՝ հայու ահը,

Գետին ընկավ թուրքի գահը,

Պատմեմ ձեզ Թալեաթի մահը,

Գինի լից, ընկեր ջան, գինի լից,

Խմողաց անուշ:

Դաշնակցություն ժողով արեց,

Շուն Թալեաթին մահ որոշեց,

Թեհլերյանի բախտը բացվեց,

Գինի լից, ընկեր ջան, գինի լից,

Խմողաց անուշ:

Շուն Թալեաթը փախավ Բեռլին,

Թեհլերյանը հասավ հետին,

Զարկեց ճակտին, փռեց գետին,

Գինի լից, ընկեր ջան, գինի լից,

Խմողաց անուշ:

Շուն Թալեաթին գցին հորը,

Լուր ուղարկին պոռնիկ մորը,

Կեցցե հայոց կամավորը,

Գինի լից, ընկեր ջան, գինի լից,

Խմողաց անուշ:

Հիշատակդ միշտ փառավոր,

Շիրիմիդ լույս Քրիստափոր,

Մայիս 28 շնորհավոր,

Գինի լից, ընկեր ջան, գինի լից,

Խմողաց անուշ:

ԳԵՏԱՇԵՆ

Խոսք՝ Գուսան Հայկազունի (Գագիկ Նազարյան)
Երաժշտություն՝ Սահակ Սահակյանի

Բազմել ես լեռներին, ունես հազար շեն,

Արծիվների բույն ես, ըմբոստ Գետաշե՛ն,

Բարբարոս ցեղերին անդադար սանձող

Քաջերի ամրոց ես, իմ քա՛ջ Գետաշեն:

Չորս կողմդ անդունդ է, ճամփեքդ` փակված,

Երկնքում սև ու մութ ամպեր կուտակված:

Շուրջդ շատ հայկական շեներ են լքված,

Բայց դու կա՛ս, կմնա՛ս հավերժ, Գետաշե՛ն:

Դու պիտի մնաս ու պիտի դիմանաս,

Հակառակ թշնամուդ պիտի շենանաս,

Մայր Հայաստանին պիտի միանաս,

Արցախի դարպասն ես, իմ քա՛ջ Գետաշեն:

Ջահելներ քիչ ունիս, իմ քա՛ջ Գետաշեն,

Բայց ծերերդ էլ ոչ մի բանով պակաս չեն,

Քո ամեն մի կինը` մի ժայռ տնաշեն,

Քեզ հաղթել չի լինի, իմ քա՛ջ Գետաշեն:

20.IX.1991թ.

ՀԱՅԵ՛Ր, ՄԻԱՑԵ՜Ք

Խոսք և երաժշտություն՝ Գուսան Հայկազունի (Գագիկ Նազարյան)

Հսկա երկիր էր Հայաստանը մեր,

Բայց ինչքան ասես՝ թշնամի ուներ:

Բոլոր կողմերից, հեռուն, դրացին,

Ձեռք ձեռքի տված բզկտեցին մեզ։

Ուս ուսի տված, առյուծի նման

Ետ բերենք հող ու փառքը հայության։

Հայե՛ր միացե՛ք, միացե՛ք հայե՛ր,

Արցախն է մեզ կանչում, օգնության հասնենք,

Դեռ ճամփա ունենք, պիտ հասնինք Սասուն,

Քաջերի հողը մեզ է սպասում։

Ախ Նախիջևան, հայոց բնօրրան,

Անթիվ թշնամիքդ եկան անց կացան,

Քեզ բաժին ընկավ սև բախտը դաժան,

Հայաթափվեցիր, հո՛ղ պապենական։

Պայծառ գալիք է, սպասվում հային,

Այս դժվար պահին լինենք միասին,

Չի հանգստացել, մեր հին թշնամին,

Ուզում է նորից կոտորել հային։

17.V.1988թ.

ԱՐԾԻՎ ՍԼԱՑԻՐ

Խոսք և երաժշտություն՝ Մուրադ Մշեցու

Նվիրվում է

Արցախյան ազատագրական պայքարի

ազատամարտիկներին

Արծիվ սլացի՛ր, Տաճկահայաստան,

Գնա, դու հասի՛ր Էրզրում ու Վան,

Գնա, դու ասա, որ կգանք զորքով,

Ուխտ ենք մենք արել խաչով ու սրով:

Արծիվների բույն՝ չքնաղ Տալվորիկ,

Քո մեջ փառք առավ հերոս Անդրանիկ:

Սերոբ ու Գևորգ, Հրայր, Արաբո,

Հենդոն մշեցի, քաջն Մախլուտո:

Ֆիդայական խմբերով մենք կերթանք առաջ,

Շուն թուրքերուն տանք արժանի հարված,

Սուրբ եռագույնը թո՛ղ միշտ փողփողա,

Նրանց հիշատակ՝ ով ողորմածա:

ԱՐԱԲՈ

Արաբոն ընկել էր կռվում քաջարի,

Գնա՛նք հայեր, գնանք ընդեմ թուրքերի,

Մարութա լեռների առյուծն էր ընկել,

Վրեժը մեր սրտում գնա՛նք թուրքի դեմ։

Արաբո, Արաբո քա՛ջ ֆիդայապետ,

Գնա՛նք հայեր գնանք կռվենք թուրքի դեմ։

Արցունքոտ աչքերով կռվում են տղերք,

Շուն թուրքերի սրտում խրում են սրեր,

Ընկավ ազգի հերոս քաջ ֆիդայապետ,

Վրեժը մեր սրտում գնա՛նք թուրքի դեմ։

Մեր Հայոց լեռներում անդորրեր ընկել,

Էլ չի հնչում երգը, հայդուկի պարը,

Ֆիդայու աչքերում արցունք էր ընկել,

Ավա՜ղ, Արաբոյի արյուն էր հեղվել։

ԲԻԹԼԻՍԻ ՊԱՇԱՐՈՒՄԸ

Բիթլիս քաղաք՝ շատ լեռնային,

Չկար նամակ Անդրանիկից,

Առավոտյան արշալույսին,

Հաշիվ չկար թուրքի զորքին:

Թուրքի զորքը թնդանոթներով,

Հայ կտրիճներ՝ մոսիներով,

Քաջ Անդրանիկ յուր փայլուն սրով,

Ջարդեց թուրքեր հազարներով:

Դե շուտ կանչե՛ք Կայծակ Վահանին,

Քաջաց հերոս Անդրանիկին,

Ձա՛յն տվեք հայդուկ, Հրայրին Դժոխք՝

Թող շուտ հասնի մեր հավարին:

Թուրքի զորքը, խուճապի անցավ,

Քաջ Անդրանիկ ուրախացավ,

Հասեք տղերք, ջարդեք հազար,

Թուրքից մաքրեք հողը հայկական:

Դուն պիտի փրկես ամբողջ Հայաստան,

Սասուն, Անի, մայրաքաղաք Վան,

Տիգրանակերտից մինչև Շավարշյան,

Պիտի ծածանվի դրոշ հայկական:

ՀՊԱՐՏ ԳՆԱՑԵՔ

Խոսք և երաժշտություն՝ Գուսան Հայկազունի (Գագիկ Նազարյան)

Պատերազմ եք գնում, ուրախ գնացե՛ք,

Վարդանի արյունն է Ձեր մեջ, իմացե՛ք,

Նոր կազմավորված Հայոց բանակի,

Առաջին զինվորն եք, հպարտ գնացե՛ք:

Ինչքան էլ, որ դժվար լինի, դիմացե՛ք,

Վախկոտն ամեն օր է մեռնում, իմացե՛ք,

Քաջերը` մեկ անգամ, փառքով, իմացե՛ք,

Հողն արյունով են պահում, իմացե՛ք:

Քաջերի կորստով, ցավել ենք դարեր,

Հողի կորստով` հազարամյակներ,

Այժմ շատ են մեզ պետք մեծ հաղթանակներ,

Դեպ փառք ու հաղթանակ, այսպես գնացե՛ք:

Դուք մեր նախնյաց հողը նորից ե՛տ բերեք,

Մեր Հայկազյան փառքը նորից ե՛տ բերեք,

Մուշն ու Սասուն, Արարատը ե՛տ բերեք,

Դեպ Արցախ, Մուսա լեռ բարով գնացե՛ք:

20.I.1993թ.

ՀԻՄԻ Է՞Լ ԼՌԵՆՔ

Խոսք՝ Ռաֆայել Պատկանյանի

Հիմի է՜լ լռենք, եղբարք, հիմի է՜լ,

Երբ մեր թշնամին իր սուրն է դրել,

Իր օրհասական սուրը՝ մեր կրծքին,

Ականջ չի դնում մեր լացուկոծին:

Ասացե՛ք, եղբարք հայեր, ի՞նչ անենք,

Հիմի է՞լ լռենք: