Կանաչ գիշեր է եղևնու գրկում,
Լույսեր են վառվում աստղերի նման,
Մենք իրար նայում, ժպտում ենք թաքուն,
Աչքերով խոսում, որ չհասկանան:
Ու չենք էլ տեսնում՝ մեր հոգում ինչպես
Հին ու Նոր տարին բախվում են լռին,
Ուրախանում ենք երեխայի պես,
Պայծառ հավատով ընդունում նորին:
Կանաչ գիշեր է եղևնու գրկում,
Լույսեր են վառվում աստղերի նման,
Ձմռան թևերով եկել է գարուն,
Աստղերով խոսենք, մեզ չհասկանան: