(Դավիթ-Բեկից)
Ելե՛ք, հայեր, ելե՛ք, քաջեր,
Հագեք կապեք զենք ու ասպար.
Ձիերն հեծեք, թռեք եկեք
Սարերն ի վեր, ձորերն ի վար:
Հայրենիքի սիրո համար,
Արիության դրոշի տակ,
Դավիթ-Բեկը տանում է մեզ
Դեպի կռիվ ու հաղթանակ:
Ազատ ապրել, փառքով մեռնել
Մեր լեռներին երդըվեցե՛ք.
Մերկացըրե՛ք թրերը կուռ,
Մեր ժայռերի վրա սըրեք:
Ժողովրդի սիրո համար,
Ազատության դրոշի տակ,
Դավիթ-Բեկը տանում է մեզ
Դեպի կռիվ ու հաղթանակ:
Արծիվների կանչն ենք լսում-
Առա՜ջ, առա՜ջ կռվի սուրբ դա՛շտ,
Չար ու դաժան թշնամու դեմ
Դեպի կռի՛վ, կռի՛վ անհաշտ:
Մեր քույրերի պատվի համար,
Անմահության դրոշի տակ,
Դավիթ-Բեկը տանում է մեզ
Դեպի կռիվ ու հաղթանակ: