Toggle navigation
Արվեստ
Սկիզբ
Նկարներ
Վահագն Դավթյան
Ավետիք Իսահակյան
Ռազմիկ Դավոյան
Արամայիս Սահակյան
Մետաքսե
Վահան Տերյան
Համո Սահյան
Երգեր
Ավետիք Իսահակյան
ՄՈՐ ՍԻՐՏԸ
Կա հինավուրց մի զրույց,
Թե մի տղա,
Միամորիկ,
Սիրում էր մի աղջկա:
Աղջիկն ասավ - «Ինձ բնավ
Դու չես սիրում,
Թե չէ գնա՛,
Գնա՛ մորըդ սի՛րտը բեր»:
Տղան մոլոր, գլխիկոր
Քայլ առավ,
Լացեց, լացեց,
Աղջկա մոտ ետ դառավ:
Երբ նա տեսավ, զայրացավ.
- Է՛լ չերևես
Շեմքիս, ասավ,
Մինչև սիրտը չըբերես:
Տղան գնաց և որսաց
Սարի այծյամ,
Սիրտը հանեց,
Բերեց տվեց աղջկան:
Երբ նա տեսավ, զայրացավ.
-Կորի՛ր աչքես,
Թե հարազատ
Մորըդ սիրտը չըբերես:
Տղան գնաց` մորն սպանեց,
Երբ վազ կըտար
Սիրտը` ձեռքին,
Ոտքը սահեց, ընկավ վար:
Եվ սիրտը մոր ասավ տխուր,
Լացակումած.
-Վա՜յ, խեղճ տղաս,
Ոչ մի տեղըդ չըցավա՞ց...
15.III.1919թ.
Ժնև