Մետաքսե

ՎԵՐԱԾՆՈՒՆԴ

Այնպես եմ ուզում վերածնվել քո մեջ,
Տարրալուծվել իսպառ
Ծալքերի մեջ սրտիդ,
Որ ողողված լույսի թրթիռներով ընդմիշտ՝
Ապրեմ ես անվերջ
Միայն քեզ համար...
 
Այնպես եմ ուզում վերածնվել քո մեջ,
Ազատվել այս մթից, ցրտությունից իմ տան,
Եվ տառապանքներից անորոշության,
Որ քանդում է, հյուսում
Սիրուս սահմանամերձ
Երազանքներ և սյուն...
 
Այնպես եմ ուզում վերածնվել քո մեջ,
Կյանք տալ խեղաթյուրված տենչանքներիս բոլոր,
Դուրս գալ շրջափակված իմ այս բախտից մոլոր
Ու խեղճանալ միայն քեզ հնազանդվելուս
Փաղաքշանքներից խելագարվելիս...
Օ՜, ի՛մ սիրելիս,
Դու հրաժեշտին նայեցիր ինձ անհույս,
Ու չտեսար ներսիս հրաբուխները մեծ,
Որ երազում էին վերածնվել քո մեջ...

Яндекс.Метрика